15 Oktober – ’n Suiwer gewete

Maar doen dit met beskeidenheid en met eerbied vir God. Sorg dat julle gewete skoon bly, sodat dié wat julle oor julle goeie lewenswandel in Christus belaster, daaroor skaam kan kry dat hulle kwaad van julle gepraat het. - 1 Petrus 3:16 (AFR20)

’n Suiwer gewete bring innerlike rus. Integriteit beskerm ons harte. Wanneer ons lewenswandel reg is voor die Here, dan behoort ander mense skaam te kry as hulle sleg praat van ons lewenswandel. Die klem lê daarop dat ons 'n goeie lewenswandel het - wat dus beteken dat ons moet seker maak dat ons kant altyd skoon is. Dat ons reg optreë teenoor ander sover moontlik binne ons vermoë is.

Partykeer maak ons foute, ons moet daaruit leer en reg maak. Lewe van so 'n aard dat jou gewete skoon kan wees.