25 Junie / Filippense 4:7 / Vrede
Hierdie vrede bewaar ons harte en gedagtes, dit beskerm as t'ware ons gemoed en gee vir ons die vermoë om vrede te hê ten spyte van ons omstandighede.
En die vrede van God wat alle verstand te bowe gaan, sal oor julle harte en gedagtes die wag hou in Christus Jesus. - Filippense 4:7
Verse 4-6 sê ons moet bly wees in die Here, inskiklik teenoor alle mense, oor niks besorgd wees nie en al ons begeertes met gebed en smeking en danksegging aan God gekend maak. Die resultaat is 'n vrede in ons lewe wat alle verstand te bowe gaan.
Hierdie vrede bewaar ons harte en gedagtes, dit beskerm as t'ware ons gemoed en gee vir ons die vermoë om vrede te hê ten spyte van ons omstandighede. Hierdie is 'n bonatuurlike vrede wat God vir ons gee.
Dink 'n bietjie
Wat bepaal jou vrede en vreugde? Jou omstandighede? Of jou verhouding met die Here?
Onseker? Dink so daaraan: die een sal maak dat jou vreugde en vrede wip-plank ry, en die ander hou dit konstant.
Ek wil graag van jou hoor!
Kontak my gerus by [email protected] of WhatsApp my by 0849955840.
Groete, Riaan