23 Maart 2023 / Blydskap deur gebed / 1 Tessalonisense 5:16-18

Wees altyd bly. Bid gedurig. Wees in alle omstandighede dankbaar, want dit is wat God in Christus Jesus van julle verwag. - 1 Tess 5:16-18

Om bly te wees is 'n opdrag. Dit is 'n opdrag wat Paulus gee omdat Paulus weet hoe die menslike natuur is en ons moet onsself gedurig daaraan herinner. Die geheim om gedurig bly te wees is om 'n aktiewe gebedslewe te hê, waar ons onsself gedurig aan God se beloftes herinner en ons herinner aan dit wat ons erf deur Jesus Christus.