11 Junie 2022 / Romeine 5:1 / Vrede

God het ons dan nou vrygespreek deurdat ons glo. Daarom is daar nou vrede tussen ons en God deur ons Here Jesus Christus. - Romeine 5:1

Hoe wonderlik is dit nie om te weet dat ons op geloof alleen vrygespreek word nie? Ons hoef dit nie te probeer verdien nie...

Ons is vry van ons verlede, vry van die strik van sonde en nie meer 'n slaaf van hierdie wêreld nie. Jesus Christus het die prys betaal en ons losgekoop met Sy bloed aan die kruis en daardeur het hy vir ons versoening bewerk tussen ons en God, ons Vader.

Wanneer ons ons geloof en vertroue in die Here Jesus Christus sit, as verlosser, kan ons met 'n skoon gewete voor God staan en weet dat daar nou vrede tussen ons en God is.

Aksie

Bid vir die mense in jou lewe wie jy weet nog nie hul geloof in die Here Jesus geplaas het nie en wie nog nie in vrede met God lewe nie.

Nuwe Tema: Vrede

Vir die volgende week of twee kyk ons na die tema van vrede en ons daaglikse Bybel vers gaan handel rondom hierdie tema.

Ek wil graag van jou hoor!
Kontak my gerus by [email protected].
Groete, Riaan