11 Februarie 2023 / Verkondig met inspanning / Kolossense 1:28
Hóm verkondig ons deurdat ons alle mense met alle moontlike wysheid onderrig en leer, sodat ons elke mens tot geestelike volwassenheid in Christus kan bring. Daarvoor span ek my ook in en beywer ek my met die krag wat Hy gee en wat kragtig in my werk. - Kol. 1:28
Vir Paulus was dit baie belangrik om mense te leer en onderrig om geestelik volwasse te word - om te glo en om perfek voor Jesus te kan staan. Daarom het hy elke moontlik wysheid gebruik om met die mense te praat en hulle te leer.
Hierdie het baie inspanning geneem en God het hom die krag gegee om dit te kan doen. Ons moet met wysheid optree wanneer ons met mense praat wie nog nie geestelik volwasse is nie. Partykeer verg dit dat ons met die mense sukkel, partykeer moet ons mooi dink hoe ons hulle nader - wat ookal ons doen om mense te leer moet ons weet dat ons geduldig moet wees en baie krag en energie sal nodig hê.