12 Junie 2022 / Numerie 6:24-26 / Vrede
24Die Here sal julle seën en julle beskerm; 25die Here sal tot julle redding verskyn en julle genadig wees; 26die Here sal julle gebede verhoor en aan julle vrede gee! - Numerie 6:24-26
Hierdie vers is 'n model vir 'n seëngebed wat die priesters uitgespreek het oor Israel. Dit was die priesters se voorreg om God se montstuk te wees en God gee direk opdrag vir die priesters wat presies hulle moet sê.
Hoe kosbaar om te weet dat seëninge van die Here af kom en hier leer ons dat die Here die een is wie ons ook red; wie ons beskerm; ons genadig is; ons gebede verhoor en laastens vir ons vrede gee!
Die Here wil 'n verhouding met my en jou hê en Hy wil graag deel wees van my en jou lewe.
Aksie
Sê vir die Here dankie vir al die seëninge in jou lewe en probeer om vandag al jou seëninge te tel. Maak jouself ook terselfde tyd beskikbaar dat die Here jou kan gebruik om 'n seën vir ander te wees.
Ek wil graag van jou hoor!
Kontak my gerus by [email protected].
Groete, Riaan