Dankie, dit was 'n goeie jaar!

Net meer as 'n jaar terug het die klein persoonlike projek idee van Kortliks by my opgekom om tematiese Bybel verse te deel op 'n daaglikse manier om die leser te leer oor verskillende onderwerpe in die Bybel. Ek het geen idee gehad hoe dit gaan afspeel nie en of ek dit elke dag sou kon vol hou nie, maar ek het myself aangenaam verras.

Dit was 'n klein persoonlike projek waar ek myself wou aanmoedig om my gedagtes vas te pen en met ander te deel wanneer ek Bybelstudie hou en dit is nou net meer as 'n jaar later. Ek het hier en daar dae gemis wanneer ek baie besig of siek was, maar dit was groot pret om van soveel verskillende mense terugvoer te kry oor hoeveel dit vir hulle beteken het.

Ongelukkig kom goeie goed ook partykeer tot 'n einde, en het ek besluit om Kortliks vir tyd en wyl te staak. Dit is 'n gratis en persoonlike projek en dit was 'n groot voorreg om jou te kon bedien. Ek mag dit dalk later weer hervat of dalk 'n ander projek aan pak, so as jy in kennis gestel wil word in die toekoms, bly gerus subscribed.

Maar tot volgende keer, mag die Here jou ryklik seën en mag jy in Sy Woord gegrond bly.

Vir 'n laaste gedagte: Alles wat ons het, kom van die Here af. Gebruik dit om Sy koninkryk te bevorder.

Hy maak julle altyd in alles ryk genoeg om by elke geleentheid vrygewig te kan wees. - 2 Kor 9:11