6 Februarie 2023 / Bly in Hom / Johannes 8:31-32

Toe sê Jesus vir die Jode wat in Hom glo: “As julle aan my woorde getrou bly, is julle waarlik my dissipels; en julle sal die waarheid ken, en die waarheid sal julle vry maak.” - Joh. 8:31-32

Daar was Jode wat in Jesus geglo het, maar hulle het nie noodwendig getrou gebly teenoor Jesus nie. Dit is moontlik om te "glo" in die boodskap van die kruis en in Jesus te glo, maar sonder om toegewyd teenoor Jesus te wees.

Jesus maak dit duidelik: ons moet getrou bly teenoor Sy Woord en in Hom bly deur in waarheid te lewe en in gehoorsaamheid te lewe teenoor Jesus. Dan is ons waarlik vry.