30 Januarie 2023 / 21 Treë: Dissipelskap / Matteus 8:18-22
Toe Jesus die menigte mense rondom Hom sien, het Hy opdrag gegee om na die oorkant toe te vertrek. ’n Skrifgeleerde kom toe nader en sê vir Hom: “Meneer, ek sal u volg waar u ook al gaan.” Jesus sê vir hom: “Jakkalse het gate en voëls het neste, maar die Seun van die mens het nie eens ’n rusplek vir sy kop nie.” Iemand anders, een van sy dissipels, sê vir Hom: “Here, laat my toe om eers terug te gaan en my pa te begrawe.” Maar Jesus antwoord hom: “Volg My, en laat die dooies hulle eie dooies begrawe.” - Matt. 8:18-22
Dissipelskap begin deur om Jesus Christus te volg. Om 'n dissipel te wees is meer as om net te glo in Jesus Christus, maar om aktief jou lewe aan Hom toe te wy en om daagliks, ten alle tye, Hom te volg.
Die Lexham Theological Wordbook (1) beskryf dissipelskap soos volg:
Discipleship is the process of devoting oneself to a teacher to learn from and become more like them. For the Christian, this refers to the process of learning the teachings of Jesus and following after his example in obedience through the power of the Holy Spirit. Discipleship not only involves the process of becoming a disciple but of making other disciples through teaching and evangelism.
Om werklik wedergebore te wees beteken dat ons 'n dissipel van Jesus word. Om by Hom te leer, maar ook om soos Hy te leef en te doen soos Hy doen. Dit behels ook om ander mense te leer om soos Jesus te leef en om ander te leer wat Jesus geleer het.
Ek is 'n dissipel van Jesus Christus en al hoewel dit moeilik is om elke dag die vlees te kruisig en agter Jesus aan te loop, is dit nodig sodat ander mense ons ook kan volg.
Volg My
Ek was gelukkig om 'n spesiale nommer plaat vir my voertuig te kon aanskaf. Ek het 3x opsies gehad en die departement het my laat weet dat VOLG MY - WP beskikbaar was. Ek was baie opgewonde toe ek dit kon registreer. Hoekom? Want dit skep elke week 'n geleentheid waar iemand my nommer plaat raak sien en dan vra hulle spottend: Waarnatoe? Dan glimlag ek, en sê dit verwys na 1 Korintiërs 11:1 waar Paulus sê: "Volg my voorbeeld soos ek die voorbeeld van Christus volg". In daardie oomblik kry ek 'n kans om iemand van Jesus te vertel, met 'n glimlag.
Gister het ons by ons gemeente ons 21 Treë Dissipelskap program geloots en ek het dit goed gedink om met 'n nuwe tema begin: dissipelskap.
21 Treë is 'n aanlyn dissipelskap wat enige persoon gratis kan doen oor 'n lang tydperk. Dit behels 21 treë wat jy moet neem, 21 kursusse, wat jou leer hoe om Jesus te volg; hoe om geestelik te groei en hoe om ander mense weer te dissipel. Dit is 'n omvattende dissipelskap pad wat jy self kan doen en ook met ander kan stap. Almal wil geestelik groei, maar baie doen nie omdat hulle nie weet wat die volgende stap is nie en/of die volgende tree is te groot.
Dissipelskap is vir Jesus baie belangrik en daarom moet dit vir my en jou ook baie belangrik wees.
Ek wil jou nooi om op te teken vir die dissipelskap program, want dit is ons begeerte om jou te help om geestelik te groei en meer soos Jesus te word.
Teken gerus in hier: 21 Treë
Stap saam met my die pad soos ons die volgende paar weke kyk na die tema van dissipelskap en wat dit alles behels!
(1) Byrley, C. (2014) “Discipleship,” Lexham Theological Wordbook. Edited by D. Mangum et al. Bellingham, WA: Lexham Press (Lexham Bible Reference Series).