27 April 2023 / Respekteer God se Woord / Spreuke 30:5-6

Elke belofte van God is betroubaar; Hy beskerm dié wat by Hom skuil. Moet niks byvoeg by wat Hy gesê het nie; Hy sal jou bestraf, en jy sal daar staan as ’n leuenaar. - Spr 30:5-6

God se Woord is betroubaar! Ons moet niks by sit of weg neem vat God se Woord nie. Ons moet versigtig wees om nie Bybel vertalings te verwar met God se Woord nie! Wat bedoel ek daar by? Die feit dat een vertaling dalk met 'n ander verskil beteken nie dat daar van God se Woord weggevat is nie. Dit beteken net dat daar 'n verskil is in die vertaling proses van die manuskrifte wat ons het, wat almal kopieë is van die oorspronklike manuskrif.

God sal Sy Woord beskerm. Die boodskap deur al die manuskrifte en vertalings is dieselfde. Ons moet mooi handel met God se Woord.

Jonk en onkundig

Toe ek klein was, kyk ons saam met my ouers 'n video waar iemand wys hoeveel verse in die Nuwe Vertalings uit gelos is teenoor die King James en al die letters ens wat verander is. Ek het gedink, sjoe! Maar die Nuwe Vertaling is dan van die duiwel af. Ek het my pa gesê kom, ek wil my Nuwe Vertaling gaan verbrand. Ek gaan nou net die King James Bybel lees.

My pa het my vermaan en gesê, die Nuwe Vertaling is steeds die Woord van God! Hanteer dit met respek. Min het ek in my onkunde geweet hoekom die verskille daar was en ek voel jammer vir al die mense wie die ou mislei het - want die verskille is nie teenoor die Manuskrifte gewees nie, maar teenoor die King James. Daardie ou het aangeneem dat die King James, een van die eerstes, reg vertaal was.

Nietemin, soos ek ouer geword het en begin leer het oor hoe hulle Bybels vertaal en die proses wat hulle moet deur gaan, het ek groot waardering en respek en ook baie sekerheid gekry oor die betroubaarheid en akkuraatheid van die Woord van God - ongeag die vertaling. Op die ou einde van die dag is 'n vertaling net dit - 'n vertaling. Daar sal altyd klein verskille wees in hoe dit lees, ens... maar die boodskap, God se Woord, is dieselfde!