22 Desember / Gebed bring rustigheid / Filippense 4:6-7

Moet oor niks besorg wees nie, maar maak in alles julle begeertes deur gebed en smeking en met danksegging aan God bekend. En die vrede van God wat alle verstand te bowe gaan, sal oor julle harte en gedagtes die wag hou in Christus Jesus. - Fil. 4:6-7

Die doel van gebed is om vir ons vrede te gee. Vrede dat wat ookal die uitkoms is, ons in die Here se hande is en dat ons die vetroue het dat God se wil sal geskied.

Wanneer ek al my begeertes en bekommernisse aan die Here bekend maak, dan gee dit vir my rustigheid. Dit help my om fisies en emosioneel te kan ontspan en in die Here rus te vind, want dit is buite ons beheer en nou in die Here se hande.

Dink 'n bietjie

Is daar enigiets wat jou tans kwel? Iets waaroor jy angstig of opgewerk is? Enige begeertes wat jy tans het? Bid en vra die Here om vir jou vrede te gee.