21 November / Lewe Onberispelik / 1 Tessalonisense 5:23-24

Mag God, wat vrede gee, julle volkome aan Hom toegewyd maak en julle geheel en al, na gees, siel en liggaam, so bewaar dat julle onberispelik sal wees wanneer ons Here Jesus Christus weer kom! Hy sal dit ook doen, want Hy wat julle roep, is getrou. - 1 Tess. 5:23-24

Net soos Romeine 12:1-2 vir ons leer, lees ons hier dat ons ons hele wese aan God moet toewy. Gees, siel en liggaam moet toegewyd wees aan God omdat ons as Kinders van God geroep is om heilig te lewe.

Om onberispelik te wees wanneer Jesus Christus terug kom, beteken dat daar nie na ons lewens vinger gewys kan word en mense ons kan blameer dat ons verkeerd doen nie. Dit is 'n "tall order", maar Jesus help ons daarmee.

Maak ek partykeer foute? Verseker, maar ek probeer my bes om so te lewe dat mense nie onnodig vinger na my lewe kan wys en beskuldig dat ek in sonde lewe nie. Ons is afhanklik van die Here om blaamloos te kan lewe en hier is vir my 'n groot bemoediging in vers 24 wat sê: "Hy sal dit ook doen, want Hy wat julle roep, is getrou."

Gebed vir vandag

U is getrou! Dankie, Vader, dat ek nie op my eie vermoëns hoef staat te maak nie, maar dat ek weet U my help om te strewe na heiligheid.