21 Januarie – God is reeds daar

Neem ek die vlerke van die daeraad, gaan woon ek by die einde van die see; ook daar sal u hand my lei, u regterhand my vashou. - Psalm 139:9–10 (AFR20)

Oordenking:

Waarheen jy ook al gaan, God is reeds daar. Jy is nooit alleen nie. Jy kan nie God se teenwoordigheid ontvlug nie, en waarheen jy ook al oppad is – God wag daar vir jou.

Vraag / Uitdaging:

Wat verander in jou lewe, as jy vandag regtig glo dat God jou voor uit gaan?

Gebed:

Here, dankie dat ek nooit buite U teenwoordigheid is nie. Gee my rus in die wete dat U elke tree saam met my gaan. Amen.