21 Januarie 2023 / Leeglêers in die Kerk / 1 Tessalonisense 5:14-15

Ons druk julle dit op die hart, broers: Wys die leeglêers onder julle tereg, praat die kleinmoediges moed in, help die swakkes, wees met almal geduldig. Sorg dat niemand ’n ander mens kwaad vir kwaad vergeld nie. Beywer julle liewer altyd vir die belange van julle medegelowiges en van alle mense. - 1 Tess. 5:14-15

Vanoggend staan ons stil op dieselfde vers omdat een van ons lesers vir my uit gewys het dat ons nie net die swakkes en kleinmoediges moet help nie, maar ons moet ook die mense wat leeg lê in die kerk, met geduld teregwys.

Dink vir 'n oomblik daaraan. Hoekom sou ons dalk ongeduldig met leeglêers optree? Dalk omdat hulle ons frustreer of irriteer? Dalk is ons hardwerkend en dit pla ons dat iemand anders dalk nie is nie? Wat sou jy raai is die bron van jou ongeduld?