21 Desember / Ek slaap goed / Psalm 3:6

As ek gaan lê, slaap ek goed; ek word ook weer wakker, want die Here sorg vir my. - Ps. 3:6

Dawid het gemoedsrus gehad omdat sy selfvertroue toegeneem het, want God het hom beskerm deur die nag teen sy vyande.

Te midde van al die geweld en probleme om ons, is dit 'n seën om 'n goeie nagrus te kan hê en om met vertroue te kan sê dat God vir my sorg en na my kyk. Daarom hoef ek nie te kommer en in vrees te lewe nie.