20 April 2023 / Respek vir ou mense / Levitikus 19:32

“Uit eerbied vir jou God moet jy eerbied bewys aan oumense en hulle met respek behandel. Ek is die Here. - Lev 19:32

Ouer mense moet gerespekteer word, eerstens omdat dit is wat God van ons verwag. As ons God lief het en Hom wil eerbied, dan moet ons respek toon aan ouer mense.

Dit is vir my hartseer wanneer jy iemand in die publiek sien wat sukkel met 'n ouer persoon en ongeduldig is met hulle. Mag dit nooit een van ons wees nie. Mag dit wees dat mense kan sien ons is lief vir die Here, deur midde van hoe ons ouer mense hanteer.