2 April 2023 / Juig oor geregtigheid / Spreuke 21:15

As daar reg geskied, is mense wat reg doen, bly, en staan dié wat onreg doen, verskrik. - Spr 21:15

Ek wonder of ons soms meer fokus op die onreg, as dit wat reg gebeur. Ons lees meer oor slegte en negatiewe nuus, as wat ons oor goeie en opbouende nuus lees waar reg geskied.

Wanneer geregtigheid geskied, dan moet ons bly wees daaroor en daarin verheug sodat die wat onreg doen, verskrik kan wees en weet wat hul moontlike lot kan wees.

Kom ons bid saam dat meer geregtigheid sal geskied en dat die kwaaddoeners sal vrees vir die reg. Ons weet, as ons om ons kyk, dat baie mense glad nie bang is vir die gereg nie en dat die gereg ook nie altyd 100% skoon / reg optreë nie, maar dit moet ons nie verhoed om daarvoor te bid nie!