2 Februarie 2023 / 'n Hoër roeping / Matteus 4:19

2 Februarie 2023 / 'n Hoër roeping / Matteus 4:19
Photo by Robson Hatsukami Morgan / Unsplash
Hy sê toe vir hulle: “Kom hier! Kom saam met My, en Ek sal julle vissers van mense maak.” – Matt. 4:19

Jesus het 'n hoër roeping vir my en jou. Hy wil ons gebruik om Sy Koninkryk uit te brei. Dit is 'n groter roeping as wat ons aardse bestaan op sy eie vir ons kan bied.

Jesus roep vir Simon en Andreas, twee vissermanne, en sê vir hulle om Hom te volg. Hy sal hulle vissers van mense maak. Jesus roep hulle en bied vir hulle 'n hoër roeping aan. Vir hulle om Hom te volg en om hierdie hoë roeping te aanvaar, moes hulle in hierdie geval hul daaglikse werk of beroep op gee en ook hulself los maak van hul familie.

Nie elkeen van ons gaan nou ons werk bedank en ons familie agter los omdat ons tot bekering kom nie. Dis nie die punt nie. My punt is dit: wat ook al jy dink jy kan in hierdie lewe bereik of wat ookal jy dink sal jou kan bevredig - kom nie naby aan die roeping wat God op ons lewens het nie. Om eerstens Hom te dien en tweedens om ons daaglikse lewe in te rig om, soos ons heen gaan, Sy koninkryk te bevorder.