19 November / Toegewy in waarheid / Johannes 17:17

19 November / Toegewy in waarheid / Johannes 17:17
Photo by chris liu / Unsplash
Laat hulle aan U toegewy wees deur die waarheid. U woord is die waarheid. - Joh. 17:17

Jesus bid tot die Vader vir Sy dissipels en vra dat God sal help dat hulle geheilig word. Net soos Jesus in die wêreld was, het hy nie behoort aan Satan se wêreld-sisteem nie, maar Hy behoort aan God se koninkryk.

Die woord toegewy, word in die Engels na verwys as sanctify, en dit beteken om afgesonder te wees. Die Engelse beskrywing sê dit vir my mooier: "to be set apart."

Vir die dissipels om toegewy te wees aan die Here en om heilig te kan lewe, behels dat hulle God se Woord moet bestudeer en daarvolgens lewe.

Dink 'n bietjie

Hoe kan die Woord van God jou help om meer heilig te word?