19 Julie / Kolossense 2:13 / Vergifnis

Julle was dood deurdat julle gesondig het en deurdat julle sondige natuur nog nie weggeneem was nie. God het julle egter saam met Christus lewend gemaak deurdat Hy ons al ons sondes vergewe het. - Kolossense 2:13

Dankie Vader dat ek saam met Jesus Christus lewend gemaak is, dat ek nie meer dood in my sonde is nie, maar dat ek in 'n lewende verhouding met U kan wees. Dankie dat U altyd getrou is, dat U oneindige genade aan my toon deurdat U my sondes vergewe.

Dankie dat U my sondige natuur weg neem. Partykeer struikel ek steeds en sondig ek weer teen U, maar ek prys U Heer, omdat ek weet U bly getrou, selfs wanneer ek nie getrou is nie. Amen.