19 Januarie 2023 / Vergewe soos Jesus ons vergewe / Kolossense 3:12-14

Julle is die uitverkore volk van God wat Hy baie lief het. Daarom moet julle meelewend, goedgesind, nederig, sagmoedig en verdraagsaam wees. Wees geduldig met mekaar en vergewe mekaar as die een iets teen die ander het. Soos die Here julle vergewe het, moet julle mekaar ook vergewe. Bo dit alles moet julle mekaar liefhê. Dit is die band wat julle tot volmaakte eenheid saambind. - Kol. 3:12-14

Geduld en vergifnis word in dieselfde sin gebruik. Is dit moontlik dat die twee aan mekaar gekoppel is? As ons ongeduldig is met mense, sal ons hulle kan of wil vergewe?

As ons geduldig is met die mense om ons, dan sal ons ook vir hulle ruimte gee om voute te kan maak en hulle ook vinnig vergewe. Ons almal maak foute en is net mens... maar hoe ons mekaar hanteer wanneer ons foute maak, gaan 'n groot impak maak op hoe ons na mekaar om sien en hoe ons mekaar in die toekoms hanteer.