19 Desember / 'n Nuwe Krag / Jesaja 40:29-31

Hy gee die vermoeides krag, Hy versterk dié wat nie meer kan nie. Selfs jongmanne word moeg en raak afgemat, selfs manne in hulle fleur struikel en val, maar dié wat op die Here vertrou, kry nuwe krag. Hulle vlieg met arendsvlerke, hulle hardloop en word nie moeg nie, hulle loop en raak nie afgemat nie. - Jes. 40:29-31

Wanneer ons op ons laaste is en nie meer weet hoe of watter kant toe nie; wanneer ons uitgeput is en nie meer krag het om aan te gaan nie... belowe die Woord van God vir ons dat as ons ons vertroue op die Here plaas, dat Hy vir ons 'n nuwe krag sal gee.

Hierdie nuwe krag is 'n bonatuurlike krag om aan te hou, wanneer dit nie moontlik lyk om aan te hou nie. Dit is om ten spyte van ons omstandighede en ons gemoed, positief te bly en met 'n krag en energie wat ons nie kan verklaar nie, op te staan en voort te gaan.

Gebed

Vader, partykeer is ek regtig baie moeg en ek weet nie waar ek krag gaan kry om elke dag aan te pak nie. Wanneer ek so hulpeloos en moeg voel, herinner my assblief aan U Woord en U beloftes, sodat ek my vertroue op U sal plaas en nie verstrengel sal raak in my probleme nie. Gee my arendsvlerke om met krag en mening, bo oor my omstandighede en uitdagings te styf. Amen.