15 Desember / Luister jy na die Herder? / Psalm 23:1-3

’n Psalm van Dawid. Die Here is my herder, ek kom niks kort nie. Hy laat my rus in groen weivelde. Hy bring my by waters waar daar vrede is. Hy gee my nuwe krag. Hy lei my op die regte paaie tot die eer van sy Naam. - Ps. 23:1-3

Luister jy na die Herder? Die Herder weet wanneer Sy skape rus nodig het en Hy help hulle om daardie rus te vind. Die ding is, die skape kan net baat vind by die Herder se leiding, mits hulle na Sy stem luister.

Luister jy na die stem van die Here wanneer Hy vir jou wys dat dit nodig is om te rus? Om te sê dis tyd vir 'n "time-out"? Wanneer dit nodig is om geestelik te rus of om fisies te rus?