14 Julie / Handelinge 2:38 / Vergifnis
Saam met leringe en teologie, moet daar aksie ook gepaard gaan. Mense moet kan toepas dit wat ons vir hulle leer.
Toe antwoord Petrus hulle: “Bekeer julle en laat elkeen van julle gedoop word in die Naam van Jesus Christus, en God sal julle sondes vergewe, en julle sal die Heilige Gees as gawe ontvang. – Handelinge 2:38
Petrus gee 'n lang preek vir die mense en hulle is diep geroer - en daar maak Petrus klaar. Dis amper soos iemand wat 'n goeie preek of boodskap bring en vir jou wys hoe groot 'n sondaar jy is en hoe verlore jy is... maar dan nie vir jou sê hoe om jou situasie reg te maak nie.
Die mense vra vir Petrus hoe moet hulle dan nou maak, en Petrus verduidelik hoe om in 'n regte verhouding met God te kom: bekeer en laat jou doop.
Iets om oor te dink
Dis maklik om vir iemand te wys waar hulle orals verkeerd gaan of wat hul als verkeer doen of dalk verkeerd glo... dis 'n ander ding om vir hulle mooi, eenvoudig en in liefde reg te help en die pad te wys.
Saam met leringe en teologie, moet daar aksie ook gepaard gaan. Mense moet kan toepas dit wat ons vir hulle leer.