14 Februarie 2023 / Dissipels kort rus / Matteus 11:28-30

“Kom na My toe, almal wat uitgeput en oorlaai is, en Ek sal julle rus gee. Neem my juk op julle en leer van My, want Ek is sagmoedig en nederig van hart, en julle sal rus kry vir julle gemoed. My juk is sag en my las is lig.” - Matt. 11:28-30

Om 'n dissipel van Jesus te wees, gee vir ons vrye toegang tot Jesus en die Vader. Dit gee vir ons die geleentheid en voorreg om in Jesus rus te vind. Rus van hierdie wêreld en die probleme wat ons elke dag in die gesig staar. Rus wanneer ons emosioneel moeg en oorlaai is. Rus wanneer ons selfs fisies uit geput is. Wat ookal die omstandighede, ons kan ons rus in Jesus Christus vind, want Hy is ons bron van krag!