12 Julie / Markus 1:4 / Vergifnis
Die doop van Johannes was nie 'n nuwe doop nie, maar een wat die Jode mee bekend was.
Só het Johannes die Doper in die woestyn opgetree. Hy het verkondig: Bekeer julle en laat julle doop en God sal julle sondes vergewe. - Markus 1:4
Johannes was die laaste Ou Testamentiese Profeet gewees wat die Jode tot bekering geroep het en om hulle te laat doop as teken van hul bekering en vergifnis van hul sonde.
Die doop van Johannes was nie 'n nuwe doop nie, maar een wat die Jode mee bekend was. Die Jode het die heidene vereis om hul te laat doop wanneer hul Judaisme wou aanneem. Johannes was radikaal in dat hy die Jode geroep het tot bekering en om gedoop te word, ter voorbereiding vir die komende Messias, Jesus Christus.
Iets om te onthou
Die doop op sy eie red jou nie, maar die doop is die "bewys" of publieke erkenning of getuienis van dit wat reeds in jou hart plaas gevind het.