11 Julie / 1 Johannes 2:12 / Vergifnis
As jy 'n kind van God is, dan is daardie dinge agter jou! Jy is vergewe en geheilig in die Naam van Jesus Christus. Kom ons lewe soos mense wat verlos is!
Ek skrywe vir julle, liewe kinders, omdat julle sondes vergewe is in die Naam van Jesus. - 1 Johannes 2:12
Dit is net te dankie aan Jesus Christus dat ons sondes vergewe is. Johannes noem die lesers hier, liewe kinders, wat aandui dat hulle verstaan en weet dat hul sondes vergewe is.
Hulle is liewe kinders omdat hul heel moontlik in verhouding met die Vader staan en weet wat dit beteken om vergewe te wees en om te lewe in 'n gesonde verhouding met die Vader weens hul verstaan en besef van hul sondes wat vergewe is.
Uitdaging
Lewe jy soos iemand wat weet dat jy gered en verlos is? Of lewe jy nog in die verlede, skaam oor die dinge van die verlede en bang of hartseer oor wat jy in die verlede gedoen het?
As jy 'n kind van God is, dan is daardie dinge agter jou! Jy is vergewe en geheilig in die Naam van Jesus Christus.
Kom ons lewe soos mense wat verlos is!