10 Desember / Besef wanneer jy moet rus / Markus 6:31

Daar was baie mense wat gedurig gekom en gegaan het, sodat Jesus en sy dissipels selfs nie kans gehad het om iets te eet nie. Hy sê toe vir hulle: “Kom julle alleen saam na ’n stil plek toe en rus ’n bietjie.” - Mark. 6:31

Jesus het gesien die dissipels is moeg en in plaas van om hul verder te druk, het hy gesê hulle moet rus.

Neem kennis dat Jesus hier self weet dat vir hulle om ordentlik te kan rus, moet hulle na 'n plek toe onttrek waar dit stil is. Partykeer is dit nodig om jouself te verwyder van jou huidige omstandighede sodat jy kan afskakel.

Oordenking

Op watter manier of plek kan jy ordentlik rus kry? Het jy 'n plek waarheen jy gaan wanneer jy moeg is en net 'n bietjie moet rus?