1 Julie / Matteus 6:12 / Vergifnis
Jesus leer vir ons om te bid vir vergifnis, dat die Vader ons genadig sal wees, maar hierdie vers impliseer dat die persoon wat bid, klaar ander vergewe het wat teen hom / haar verkeerd gedoen het.
... en vergeef ons ons oortredings soos ons ook dié vergewe wat teen ons oortree. - Matteus 6:12
Sonde is soos 'n morele skuld, en as sondaars is ons in die skuld by God. Jesus leer vir ons om te bid vir vergifnis, dat die Vader ons genadig sal wees, maar hierdie vers impliseer dat die persoon wat bid, klaar ander vergewe het wat teen hom / haar verkeerd gedoen het.
Voorbereiding
Vir die volgende ruk gaan ons fokus op vergifnis en ek wil jou vra om biddend die volgende paar weke se Bybelverse te oordink en die Here vra om jou te help om enige onvergifnis of wrokke wat jy dalk mag koester - uit te wys en daardeur te werk.