1 Februarie 2023 / Koste van dissipelskap in die familie / Matteus 10:37-39

“Hy wat sy vader of moeder liewer het as vir My, is nie werd om aan My te behoort nie; hy wat sy seun of dogter liewer het as vir My, is nie werd om aan My te behoort nie. Hy wat nie sy kruis opneem en My volg nie, is nie werd om aan My te behoort nie. “Hy wat sy lewe wil behou, sal dit verloor; en hy wat sy lewe ter wille van My verloor, sal dit vind.” - Matt. 10:37-39

Party mense wie Jesus Christus dien, word deur hul familie gehaat of word gedurig deur familie gekonfronteer omdat hulle nie verstaan of dalk saam stem nie.

Jesus leer hier vir die dissipels dat om Hom te volg verg alles en dat daar niks belangriker as dit is nie, nie eens 'n persoon se familie nie. Dit klink dalk baie hard, maar die punt wat Jesus maak is dat om Hom te volg sal jou iets kos. Dit mag dalk jou jou familie kos, dit mag dalk jou werk kos, dit mag dalk jou lewe kos... maar kos... dit moet jou iets kos! As dit jou nie iets kos nie, dan doen jy heel moontlik dit nie reg nie.

Dink vir 'n oomblik daaroor... wat kos dit jou om Jesus te volg en om Hom te dien? As 'n mens nie 'n koste heg aan iets wat hulle kry nie, is hulle geneig om dit nie baie waardevol te ag nie. Vir party mense het hul geloof in Jesus hul baie gekos en daarom is dit vir hulle dalk nog meer waardevol. Nie omdat een persoon se geloof in Jesus minder of meer waardevol is as 'n ander persoon se geloof in Jesus nie, maar omdat hulle dalk 'n groter prys moes betaal as ander.

Vir my het dit nie my familie of vriende of werk gekos nie, maar dit kos my my vlees. Dit kos my eie wil, natuur en begeertes wat ek onder Jesus moet se heerskappy moet stel. Dit kos dat ek nie net kan maak wat ek wil en wat vir my lekker is nie, maar dat ek alles moet op weeg teenoor of dit reg, heilig, edel, rein en mooi is volgens die Woord van God.