9 Junie 2023 / God se Koninkryk eerste / Matteus 6:33

Nee, beywer julle allereers vir die koninkryk van God en vir die wil van God, dan sal Hy julle ook al hierdie dinge gee. - Matt 6:33

Hierdie is 'n baie bekende vers en tog een wat ons partykeer so maklik van vergeet! Om diensbaar te wees beteken dat ek God se koninkryk eerste stel. God se Koninkryk se mense, se ideale en doele eerste stel. Ons is geneig om te kommer oor ons daaglikse voorsiening, want ons moet tog elke dag eet en iets warm oor ons kop hê... maar partykeer is ons so gefokus om vir onsself te moet voorsien, dat ons miskyk die geleenthede en behoeftes om ons waar ons kan dien en God se Koninkryk eerste kan plaas.

Daar is 'n balans wat getref moet word, maar wees versigtig dat jy nie so gefokus is op jou werk en om jou lewe te bou dat jy vergeet van die dinge van die Here nie.