9 Januarie 2023 / Vriend van God / Jakobus 2:23

So is die Skrif vervul wat sê: “Abraham het in God geglo, en God het hom vrygespreek,” en hy is ’n vriend van God genoem. - Jak. 2:23

Die voorbeeld wat vir ons voorgehou word is dat as ons in God glo, word ons gered en vrygesrpeek deur Jesus Christus. Wanneer ons vrygespreek word, word ons as 'n vriend van God gesien. Wat beteken dit? Dit beteken dat ons nie 'n vyand van God is nie. Ons kan soos vriende, met gemaklikheid en sonder twyfel tot God nader.

Ons moet wel onthou dat God steeds God is, Hy is heilig en heerser en skepper van die heelal. As ons net na God gaan kyk as 'n vriend en ons plaas nie Sy heiligheid en majesteit eerste nie, mag ons dalk die verkeerde perspesie hê van wie God is en ons sal nie die nodige heilige eerbied en respek vir Hom hê nie.

Ons moet 'n gesonde vrees vir God hê, maar dié tipe gesonde vrees waar ons weet waarnatoe God in staat is, maar ons hoef nie bang te wees om tot Hom te nader nie omdat ons weet dat ons vrylik tot Hom kan nader.

Ek hoop dit maak sin? Indien nie, sal ek moet verder uit brei :)