7 Desember / Tyd vir rus / Genesis 2:2

Op die sewende dag was God reeds klaar met die skeppingswerk en het Hy gerus na al die werk wat Hy gedoen het. - Gen. 2:2

Die Bybel erken dat daar die behoefte vir fisiese en geestelike rus is en dat die ware bron van rus in God is; die Skepper en Redder van die mensdom.

Rus is iets wat ons almal sal erken baie belangrik is, maar tog kry so baie mense dit nie reg om tyd te maak vir rus nie; of hulle maak tyd vir rus maar hulle rus nie ordentlik nie. Die uiteinde is dat hulle steeds die heeltyd moeg en oorlaai voel.

Vir die Desember wat voorlê is daar heelwat mense wat met vakansie gaan en tyd kry vir rus, maar daar is ook van ons wie moet hard werk en nie noodwendig verlof kry nie. Ek wil dus vir die volgende ruk op die tema van rus staan en kyk na wat die Bybel vir ons leer oor hoe om op 'n fisiese en op 'n geestelike manier rus te vind.

Hoe rus jy?

Kry jy soveel rus in as wat jy graag sou wou? Op watter maniere maak jy tans tyd om te rus?