6 Maart 2023 / Hy weet wat jy nodig het / Matteus 6:8

Moet dan nie soos hulle maak nie, want julle Vader weet wat julle nodig het, nog voordat julle dit van Hom vra. - MAtt. 6:8

God, die Vader, weet wat Sy kinders nodig het. Hy weet wat hul behoeftes is, voordat hulle dit nog van Hom vra. Met vers 7 in ag, verduidelik Jesus hier waarom jy nie repeterend en aanhoudend, soos die heidende, dieselfde ding oor en oor hoef te vra nie - asof dit God se arm dalk sal draai nie.

God weet wat ons nodig het en Hy voorsien vir ons wat ons nodig het, maar dit behels dat ons ons fokus op Hom en Sy Koninkryk moet plaas. Kan ons vra wat ons nodig het? Verseker, maar weerhou van 'n stortvloed van woorde. Ons bid met sekerheid en vertroue en met die doel om vrede in ons lewe te hê.