6 Desember / Geheilig met 'n bestemming / Romeine 6:22

Maar nou—julle is vrygemaak van die sonde en in diens van God gestel en die vrug daarvan is dat julle geheilig word, en die uiteinde is die ewige lewe. - Rom. 6:22

Ons almal ken Romeine 6:23 wat sê dat die loon van sonde is die dood, maar die genade van God is die ewige lewe in Christus Jesus.

Hoeveel van ons ken wel vers 22? Kyk 'n bietjie wat sê hierdie vers. Ons is in diens van God gestel en die vrug daarvan is dat ons geheilig word. Soos ons God dien  en Hom gehoorsaam en onsself bruikbaar maak vir die Here, word ons terselfdertyd heilig gemaak. Die eindbestemming van hierdie proses is die ewige lewe saam met ons Here, Jesus Christus.

In diens van sonde se resultaat die dood, maar in diens van God is die resultaat heiligheid en die ewige lewe. In wie of wat se diens sou jy wou staan as jy weet wat die eindbestemming in hou?