5 Maart / Praat sin / Matteus 6:7

“Wanneer julle bid, moet julle nie soos die heidene ’n stortvloed van woorde gebruik nie. Hulle verbeel hulle hulle gebede sal verhoor word omdat hulle baie woorde gebruik. - Matt. 6:7

Het jy al geluister na iemand wat bid en dan gedink, "sjoe weeee maar die ou bid darem lank!"? Of iemand al hoor bid en hulle begin omtrent 'n klomp woorde af rammel, amper asof hulle moet op maak vir verlore tyd?

Jesus sê hier dat ons nie net woorde moet af rammel nie, maar ook dat ons nie dieselfde ding oor en door moet bid nie; soos dit die heidene se praktyk was. Heidense gelowe het rympies wat hulle bid en oor en oor herhaal, asof dit God se arm nou skielik gaan draai.

Wanneer ons bid moet ons dink oor wat ons sê, met ons verstand bid en sin maak. As ons net babbel, dan dink ons nie oor wat ons besig is om met God te kommunikeer nie. Dieselfde ervaar ons wanneer ons met iemand gesels: jy moet sin praat sodat julle mekaar kan verstaan, want as iemand net begin onophoudelik babbel dan vind daar moeilik ordentlike kommunikasie plaas.