5 Desember / Afgesonder en bruikbaar / 2 Timoteus 2:20-21
In ’n groot huis is daar nie alleen voorwerpe van goud en silwer nie, maar ook van hout en klei. Sommige is vir besondere gebruik en ander vir die alledaagse. As iemand hom van die kwaad gereinig het, sal hy ’n voorwerp vir besondere gebruik wees. Dan sal hy vir die eienaar afgesonder en bruikbaar wees, voorberei vir enige goeie diens. - 2 Tim. 2:20-21
Hoe bruikbaar is jy vir die Here? Hoe meer jy streef na heiligheid, hoe meer kan God jou gebruik.
Party mense kan die Here nie veel gebruik vir Sy Koninkryk nie, want hulle is so besmet met die wêreld dat God hulle nie vir iets besonders kan gebruik nie.
Kom ons streef om onsself van die kwaad te reinig, sodat ons afgesonder en bruikbaar kan wees vir die Here.