4 Januarie 2023 / Harde liefde / Spreuke 27:5-6

’n Openlike bestraffing is beter as liefde wat onsigbaar bly. Op ’n vriend wat jou seermaak, kan jy reken; iemand wat jou haat, is oordadig met sy soene. - Spr. 27:5-6

Vriende kan ons partykeer seermaak, maar ware vriende wat vir ons lief is sal ons eerlik teregwys en wil die beste vir ons hê. Dit is jammer dat ons vriende kry, wat ons eintlik nie goedgesind is nie, hulle is jaloers op 'n mens en het vir een of ander  rede 'n probleem met jou. Hulle is vriendelik met jou en heel gaaf voor jou, maar binne in haat hulle jou.

Sulke vriende is gevaarlik en Spreuke se raad is dat vriende wie jou lief het en dit wys deur uit te kyk vir jou - sulke vriende moet jy hou en koester.