30 November / 'n Nuwe hart / Esegiël 36:26-27

Ek sal julle ’n nuwe hart en ’n nuwe gees gee, Ek sal die kliphart uit julle liggaam uithaal en julle ’n hart van vleis gee. Ek sal my Gees in julle gee en Ek sal maak dat julle volgens my voorskrifte leef en my bepalings gehoorsaam en nakom. - Esegiël 36:26-27

Heiligmaking is iets wat God binne in ons begin en wie net Hy kan volbring. Een van die kern aspekte van heiligmaking is dat ons nie net die ou mens is wat 'n bietjie beter of heiliger word nie, maar dat ons met bekering wedergebore word en as't ware 'n hele nuwe wese word. Ons kry 'n nuwe natuur; 'n nuwe hart.

Dit is hierdie nuwe hart en Gees van God wat ons in staat stel om Sy voorskrifte en bepalings te gehoorsaam. Sonder 'n nuwe hart, is dit nie moontlik nie.