30 Desember / Moenie kwaad praat nie / Jakobus 4:11-12

Moenie van mekaar kwaad praat nie, broers. Hy wat van sy broer kwaad praat of sy broer veroordeel, praat kwaad van die wet en veroordeel die wet. En as jy die wet veroordeel, handel jy nie meer volgens die wet nie, maar speel jy regter daaroor. Daar is egter maar een Wetgewer en Regter, en dit is Hy wat die mag het om te red en te verdelg. Maar jy, wie is jy om regter te speel oor jou naaste? - Jakobus 4:11-12

Dit is onsmaaklik wanneer mens iemand hoor praat oor 'n ander persoon en hulle praat niks goed nie. Jy kan sommer hoor hulle probeer die ander persoon sleg praat of hulle probeer teen die persoon praat en hulself verhef bo die ander.

Dit bring nie eer aan die Here nie. Ons moet net praat wat goed en opbouend is oor ander mense. Dit  is nie ons plek om ander te veroordeel nie.