29 November / Christus se liggaam as offer / Hebreërs 10:10

Omdat God dit so wou, is ons vir Hom afgesonder deurdat Jesus Christus sy liggaam as offer gebring het, eens en vir altyd. - Heb. 10:10

Die Ou Testamentiese offers was nie genoeg om ons met God te kan versoen nie en daarom was dit nodig vir Jesus Christus om Homself as die finale offer te gee sodat ons heilig en rein tot God kan nader.

Dit is te danke aan Jesus Christus wat aan die kruis gesterf het vir ons sondes, sodat ons geheilig kan word. Dit is die laaste offer wat nodig was en solank as wat ons ons vertroue in Christus Jesus plaas en Hom ons Here maak, sal ons voor God gereinig wees en spesiaal vir Hom afgesonder wees.