29 Desember / Liefde wat sterf / Johannes 15:12-13

Dit is my opdrag: Julle moet mekaar liefhê soos Ek julle liefhet. Niemand het groter liefde as dit nie: dat hy sy lewe vir sy vriende aflê. - Joh. 15:12-13

Hoe lief het jy jou vriende? Party vriende het ons seker meer lief as ander, omdat ons dalk 'n sterker vriendskap het of die persoon dalk beter ken. Jesus dui hier aan dat iemand wie sy vriend regtig lief het, sal sy lewe neer lê vir sy vriend. Dit is die hoogste vorm van liefde.

Jesus het Sy lewe vir ons neergelê, omdat Hy ons so baie lief het. Nie net wys Jesus hierdeur dat ons Sy vriend is nie, maar Hy stel vir ons die voorbeeld van die hoogste vorm van liefde.

Dit is 'n vreemde gedagte as mens moet dink hoe sou jy jou lewe gee ter wille van 'n vriend wie jy lief het. Dis nie asof ons elke dag so 'n situasie het wat na vore kom nie, maar die boodskap is duidelik: ons moet ons vriende onvoorwaardelik lief hê.