28 November / Heilige lewenswandel / 1 Petrus 1:14-16
Wees daarom verstandelik wakker en nugter, en vestig julle hoop volkome op die genade wat julle deel sal word by die wederkoms van Jesus Christus. As gehoorsame kinders moet julle nie julle lewe inrig volgens die begeertes wat julle vroeër gehad het toe julle God nie geken het nie. Nee, soos Hy wat julle geroep het, heilig is, moet julle ook in julle hele lewenswandel heilig wees. Daar staan immers geskrywe: “Wees heilig, want Ek is heilig.” - 1 Pet. 1:14-16
Hoe mooi stel Petrus dit hier dat ons ons lewenswandel moet instel om heilig te wees. Die kontras hiervan is dat ons lewe soos ons vroeër gelewe het voordat ons tot bekering gekom het.
Dit is duidelik dat daar 'n verwagting is dat ons lewens anders behoort te lyk nadat ons tot bekering gekom het en dat ons moet breek met die ou praktyke van ons vorige lewe.
Dink 'n bietjie
Is daar dinge in jou lewe wat nog oorgedra is van jou ou lewe? Hoekom maak jy nie nou die besluit om iets daaraan te doen nie?