28 Mei 2023 / Ons kan God ken / 1 Johannes 5:20-21

En ons weet dat die Seun van God gekom het en ons verstand gegee het om die ware God te ken; en ons is in die ware God, in sy Seun, Jesus Christus. Hy is die ware God en die ewige lewe. Liewe kinders, bly dus weg van die afgode af. - 1 Joh 5:20-21

Wanneer ons tot bekering kom, begin ons meer en meer God te leer ken. Ons begin Hom leer ken omdat Hy in ons is en omdat Hy Homself aan ons ook deur Sy Woord openbaar. Dit is 'n belofte waaraan ons kan vas hou met die wete dat God Homself aan ons openbaar en dat Hy kenbaar is.

Ander godsdienste is hul afgod nie kenbaar nie, eerstens omdat die afgod nie bestaan nie! Maar vir die wat dink hulle in God glo maar nie tot Hom deur Jesus Christus nader nie, kan Hom nie werklik leer ken nie en dus ook nie redding haal nie.

Ek is so dankbaar dat God Homself kenbaar maak, want dit gee my geloof vastigheid!