28 Januarie 2023 / Onderrig met geduld / 2 Timoteus 4:2

"... verkondig die woord; hou daarmee vol, tydig en ontydig; weerlê, bestraf, bemoedig deur met alle geduld onderrig te gee ..." - 2 Tim. 4:2

Ons moet die Woord van God verkondig met elke geleentheid wat ons kry, tydig en ontydig. Dit moet ons wel met geduld doen. Die kern faktor hier is geduld.

Ons moet ander mense weerlê, bestraf as hulle verkeerd doen en hulle bemoedig, maar met geduld. Wanneer ons ongeduldig raak met mense, as ons hulle wil reg help, dan verloor ons die kommunikasie wat daar is of ons verloor die persoon. Mense maak toe wanneer iemand ongeduldig met hulle raak.

Ons moet ondderig gee en ander reg help en leer, maar sonder geduld gaan dit nie effektief wees nie.