27 Desember / Vriende se gedrag / Kolossense 3:12-13

Julle is die uitverkore volk van God wat Hy baie lief het. Daarom moet julle meelewend, goedgesind, nederig, sagmoedig en verdraagsaam wees. Wees geduldig met mekaar en vergewe mekaar as die een iets teen die ander het. Soos die Here julle vergewe het, moet julle mekaar ook vergewe. - Kol 3:12-13

Die Here verwag van ons om reg op te treë teenoor mekaar. Dit behels ons familie en vriende. Ons kan nie reg optree teenoor die wêreld, as ons nie eers reg op tree teenoor mekaar nie.

Vergifnis speel een van die grootste rolle in vriendskappe, omdat ons almal foute maak en sonder vergifnis, kan ons nie verhoudings en vriendskappe herstel nie.