26 November / Reinig jou liggaam en gees / 2 Korintiërs 7:1

Geliefdes, hierdie beloftes is ook vir ons. Laat ons ons dan reinig van alles wat liggaam en gees verontreinig, en ons in gehoorsaamheid aan God volkome aan Hom toewy. - 2 Kor. 7:1

Huiswerk

Lees gou 2 Korintiërs 6:14-18 vir konteks. Watter beloftes word in hierdie verse genoem waarna Paulus verwys in 2 Korintiërs 7:1?

Om te kan deel in God se beloftes, moet ons ons hele wese reinig van alles wat dit kan bevuil. Liggaam en gees verwys na jou hele wese wat volwasse raak in die geloof en ons as Christene bereik nie punt dat ons 100% sondeloos is nie, maar ons is ewigdurend besig met 'n proses van groei en ons word meer volwasse in die geloof.