26 Desember / Vriend of vyand van God? / Jakobus 4:4-5

Weet julle nie, julle ontroues, dat vriendskap met die wêreld vyandskap teen God is nie? Wie ’n vriend van die wêreld wil wees, wys daarmee dat hy ’n vyand van God is. Of dink julle dat die Skrif sonder rede sê dat God die gees wat Hy in ons laat woon, heeltemal vir Homself wil hê?- Jak. 4:4-5

God is 'n jaloerse God en wil ons 100% vir Homself hê. Ons kan nie met een voet in die wêreld staan en 'n ander voet in die Kerk nie. As ons vriende met die wêreld wil wees, dan beteken dit ons begeer die dinge van hierdie wêreld en ons word deel en neem deel aan die wêreld se begeerlikhede.

Kan jy sonder huiwering sê dat jy nie 'n vriend van die wêreld is nie?