25 November / Wees Volmaak / Matteus 5:48

“Wees julle dan volmaak soos julle hemelse Vader volmaak is.” - Matt. 5:48

Jesus sluit die kort gesprek af met hierdie woorde. Soos die Vader volmaak is, moet ons ook volmaak wees.

Die konteks van hierdie opdrag kom nadat Jesus uit wys dat sondaars ook "goed" kan wees teenoor hul eie mense en dat Christene moet goed doen aan hul vyande ook, nie net aan hul eie mense nie; anders is hul nie "beter" as sondaars nie.

Jesus roep my en jou om volmaak te wees, maar ek dink ons kan baie vinnig na onsself kyk en ons onvolmaaktheid raak sien.

Doen evaluasie van die areas in jou lewe waar jy weet jy nie volmaak is nie en bid dan en vra vir die Vader om jou te help om te streef na volmaaktheid - op so 'n manier dat ons Hom tevrede kan stel.