25 Mei 2023 / Jy sal vergewe word / 1 Johannes 1:9

Maar as ons ons sondes bely—Hy is getrou en regverdig, Hy vergewe ons ons sondes en reinig ons van alle ongeregtigheid. - 1 Joh 1:9

Hierdie is een van my gunsteling verse. As ons ons sondes bely, sal God ons vergewe. God is getrou en regverdig en as ek jammer is oor my sondes en dit bely, dan sal Hy my vergewe. Partykeer voel ek dat ek dit nie verdien om vergewe te word wanneer ek weer vir iets jammer sê wat ek tevore gedoen het nie, maar dan herinner ek myself dat alhoewel ek swak is en weer kan struikel, sal God altyd getrou bly om my te vergewe.

Gelukkig is God se beloftes vas en ewig-durig - en maak Hy op waar ons tekort skiet!